Hverskonar bloggari er maður að verða?  Ekkert bloggað síðan í nóvember, en reyndar er ég smá leið yfir hvað það er lítið fylgst með þessum bloggsíðum og bætt við eða endurnýjað hér inni.  Get ekki lengur notað ýmislegt til að stjórna því hvernig textinn lítur út og fleira.  En smá fréttir:  Jólin liðin og áramótin og komið Gleðilegt ár 2010, vonandi.  Er búin að vera hálfan mánuð á Akureyri í góðu yfirlæti hjá Guðnýju og fjölskyldu, fór á útgáfutónleika Myrkár...sem voru mjög skemmtilegir.  Naut þess svo bara að vera með krökkunum, prjóna, lesa, horfa á góðar myndir og fleira skemmtilegt.  Nú eru Guðmundur og Íris flutt í hús hér beint á móti mér....bara notalegt...og svo eru Sóley og Vilhelm að koma heim í hálfan mánuð frá og með 5.febrúar.  Þessa fyrstu helgi þeirra verða Jóhanna Mjöll og María Friðmey hjá okkur, svo það verður fjör á Hásteinsveginum.  Guðmundur stóri er svo enn á spítalanum á Selfossi og vitum við ekki hvað hann verður lengi þar enn!!

Yndislegt veður í dag eftir storm og ofsarigningu næturinnar.  Er að verða frekar þreytt á veikindum og inniveru, er einfaldlega of löt.  En semsagt Alfreð Logi var heima veikur í hálfan mánuð, en fór í skóla í morgun, Inga Svein sótti ég í skólann í dag.  Hann var búinn að æla allt út inni á klósetti í skólanum og sárlasinn.  Vona að allir verði hressir um næstu helgi því þá ætlum við að leggja í hann vestur í Bolungarvíkina fallegu og vera þar í viku.  Maren, Jón og stelpurnar ætla trúlega með okkur og vera í einhverja daga..Gaman gman...

Fallegt veður í dag en haustlegt.  Bentína systir á afmæli í dag og setur örugglega á tertu, vildi að ég kæmist í kaffi að ekki sé minnst á alla góðu göngutúrana sem við fórum allar systurnar saman!!  Til hamingju með daginn Benta....!!!!!

Jæja þá er veturinn í nánd, farið að kólna í lofti en mjög fallegt veður samt.  Ýmislegt var brallað í sumar eftir ferðina vestur í júní, því það var farið á niðjamót á Seyðó í júlí og svo niðjamót á Borg í ágúst.  Mjög skemmtilegar helgar og vel mætt, allavega á Borg.  Þann 25. ágúst lagði ég af stað til Bolungarvíkur í roki og rigningu, á Trooper, með Inga Svein, Alfreð Loga og Bola með mér.  Keyrðum fljótlega inn í mjög gott veður, sól og blíðu og yndislegheit, svo ferðin var mjög skemmtileg.  Stoppuðum í Daníelslundi á leið vestur og fengum okkur kakó og brauð og nutum góða veðursins.   Bola 

þótti það nú ekki slæmt.  Síðan var haldið áfram og stoppað víða til að njóta blíðunnar.  Meðal annars í fjöruferð í djúpinu, og við sæluhúsið á Þorskafjarðarheiði, svo fátt eitt sé nefnt.
 

Skrifað í sandinn...............



































Við Sæluhúsið.
Við dvöldum svo í viku á Bolungarvík, ég og strákarnir.  Heiða kom til okkar í tvo daga og skemmti sér vel og síðan Guðný Lára og fjölskylda og hluti af hljómsveit um helgina, þar sem þau voru að spila eitt kvöld á Flateyri.  Þetta var bara mjög gaman.  Um mánaðarmótin þegar ég kom heim, hélt ég svo norður með Guðmundi og Írisi og var hjá Guðnýju og Stefáni í rúman hálfan mánuð.  Mamma þurfti í aðgerð og ég ákvað að vera fyrir norðan og vera henni til aðstoðar á meðan þess þurfti.  Fékk æðislegt veður allan tímann....Sólbað, kaffi og bóklestur fyrir utan kaffihús í miðbænum.....I Love it!!!

Myndir af húsinu á Bolungarvík í myndaalbúminu...nýjar myndir innan úr húsinu síðan í byrjun apríl...

Lögðum af stað á Bolungarvík um hálf fjögur þann 2. apríl á 11 ára afmæli Alfreðs Loga.  Ég, Ingi, Alfreð, Guðmundur og Íris tókum saman þessa ferð á hendur til að koma rúmum, rúmfatnaði og ýmsu öðru dóti í húsið áður en ég leigi það út.  Við fórum á nýja Astrónum (strumpastrætó ) hans Guðmundar með hestakerru úr Miðengi fulla af húsgögnum og öðru dóti.  Pökkuðum í kerruna í roki og rigningu og keyrðum í bleytu, roki, snjóbyl.....Veðrið var hundleiðinlegt á leiðinni í borgarnes og í Hreðavatnsskála var brjálað rok.  Við leituðum upplýsinga og fengum að vita að allar leiðir vestur væru ófærar vegna storms, skafrennings og hálku.  Við ákváðum að fara eins langt og við kmumst, gista eina nótt og elta svo ruðningstæki morguninn eftir.  Við náðum á Hólmavík og fengum þar gistingu á gistihúsi, heimilislegu, gömlu húsi.  Þetta var eins og að koma upp á Hæðarenda, í gamlabæ, í gamla daga.  Gestgjafinn, fullorðinn maður, var mjög þægilegur og við höfðum alla aðstöðu fyrir okkur.  Íris hringdi á undan  okkur og sagðist vera að leita af ódýrri gistingu og að við værum með sængur.  Við fengum tvö stór og fín herbergi með góðum rúmum og borguðum 2200 fyrir fullorðna og 1000 fyrir strákana.  Ekki dýrt fyrir þessa fínu og góðu aðstöðu.  Við lögðum svo af stað í gær um átta leytið og tókum fram úr ruðningstækjum á Steingrímsfjaðraðheiði, sem var dálítið fúl.  Eftir að henni sleppti var þetta eins og að sumardegi og gekk mjög vel.  dótið var blautt og smá skítugt sumt af því en slapp alveg ótrúlega miðað við það sem við ímynduðum okkur að yrði.  Erum semsé komin, búin að þrífa og gera kósý og njótum blíðunnar hér. 

Takk fyrir athugasemdina Mæja!!!  Hér byðja allir að heilsa líka

Var að koma inn úr æðislegum, hálftíma göngutúr í Kjarnaskógi í yndislegu veðri.  Fórum saman að ganga Ég, Jóa, Sigrún, Bentína og Andrea Lind og maður er bara endurnærður eftir gönguna.  Gott eftir kyrrsetur yfir alþingi og fréttum, og prjónaskap undanfarinna daga. Vonandi kemst ég bara í annan slíkan áður en heim verður haldið.

Var reyndar svo dugleg að ég setti auglýsingu á mbl.is, í leigudálkinn, í gær til að reyna að leigja út húsið á Bolungarvík um páskana.  SVAKA DUGLEG...EKKI SATT?